Abril, contos mil

Un estimulante comenzo do mes de abril. "O Carballo con Botas" e os seus amigos estiveron en Abelendo.

Esta árbore tan especial da que xa sabemos que o seu froito é a landra, aprendeunos a cociñar a música dos bosques , a música dos contos  para así poder alimentar as nosas emocións e a nosa imaxinación.

Trouxo con el aos seus amigos: o trasno Graciano Zoqueiro que coñeceu en Abelendo a unha fada singular, a Peixeiro Martiño, ó que lle preguntamos polas árbores de Broullón, a Caramulo, o xinete das árbores con quen cantamos unha canción que dícía así:

 Caramulo, Caramulo

que cabaliño maís chulo.

Corre, corre polo bosque

salta, salta polo río.

 Os nenos e as nenas convencerán a un monstro que anda queimando os bosques para que plante árbores e van axudar a Coureliña, a lobiña do Courel a loitar contra o home do saco de lixo que anda estragando os nosos bosques. 

Comprometéronse a Plantarse para non permitir que desapareza ningún bosque para seguir alimentándose coa música dos contos e das árbores.