Bloguelendo

Celebramos o Día da Paz

2012-01-29T00:54:00.000-08:00

O 30 de xaneiro celebramos o Día Escolar da Non Violencia e da Paz.

Sabías que este día foi declarado por primeira vez en 1964 pola iniciativa do profesor LLorenç Vidal.

Este educador e pacifista mallorquí quería, dende a educación, fomentar a tolerancia, a paz, o diálogo e buscar o entendemento entre razas, relixións e culturas.

Sabías que neste día conmemórase tamén o falecemento do lider espiritual indio Mahatma Gandhi, asasinado por un fanático o 30 de xaneiro de 1948. Este lider pacifísta loitou pola liberdade e independencia da India. A súa loita foi a resistencia pacífica fronte o goberno colonial inglés.

En Abelendo celebraremos este día cunha actividade que titulamos "Parábolas en son de Paz". Son pequenas historias adaptadas e ilustradas polos nenos e nenas de cada un dos cursos do cole.

Participación e creatividade elevada ao cubo son as características desta serie de contos que expoñeremos no corredor da planta baixa e que unha vez editados , pasarán a formar parte das creacións propias da nosa Biblioteca Viva.

Contacontos

2012-01-23T08:42:00.000-08:00

Mil cousas poden pasar (II)

2012-01-15T05:32:00.000-08:00

Os personaxes deste libro de Jacobo Fernández Serrano que resultaron máis graciosos foron:

O sarxento Rabindranata, que ten os ollos moi saltóns e un bigote moi largo e peludo que na súa cara da un aspecto moi divertido.

O can Romero. Foi a unha pocilga e engordou tanto que foi o primeiro en formar parte dun cocido de can.

O porco Isaias. O mellor estudante do colexio.Estudou sete carreiras e convertiuse nun porco listísimo.

Ulam-Bator, rei dos osos. Era o oso máis grande e forte de todos pero un día venceulle un coello chamado Mamfredo e convertiuse no rei dos osos.

(6º curso)

Os Megatoxos e a espada esperalda

2012-01-15T04:56:00.000-08:00

Este libro de Anxo Fariña conta a historia de catro amigos chamados Lúa, Ruxe, Ninfa e Faísca que teñen poderes grazas a un toxo mutante.

Viaxan ao pasado coa misión de atopalo e así poder curarse.
No camiño teñen algúns imprevistos como monstros de pedra que os perseguen, gárgolas voadoras e a espada Esmeralda.

Nun mosteiro moi sospeitoso visitan unha biblioteca medieval.
Atopan outros viaxeiros do tempo cos que deben loitar.

(6º Curso)

Bo Nadal

2011-12-26T09:59:00.000-08:00

POSTAIS EN FAMILIA 2011

Nestes tempos de contas, fagamos unha moi boa:
Paz + Amor + Amizade = ¡¡¡Navidade!!!

Composición plástica: Darío (4 anos)
Lema: Sofía (2º curso)

Actividade na biblioteca

2011-12-26T09:45:00.000-08:00

Sexta edición de "Postais en Familia"

2011-12-23T07:27:00.000-08:00

As "Postais en familia" xa chegaron ao cole. Así quedou a exposición no corredor.
Dende aquí queremos agradecer a colaboración estusiasta de todas as familias, principais protagonistas desta actividade.

Música na biblioteca

2011-11-27T05:46:00.000-08:00

Foi unha sorpresa inesperada recibir a visita do director da Escola de Música na biblioteca do nosa cole: unha sorpresa moi musical coa trompa como protagonista.

Con este instrumento de vento-metal , David Santiago, tocou algunhas cancións como a canción do mundial de fútbol, o himno á alegría, a canción de Bob Esponja, a pantera rosa, que os nenos e nenas recoñecemos axiña.

Escoitamos melodías preciosas e tamén, aprendimos: a orixe deste instrumento, como foi cambiando ao cabo do tempo, as súas partes, os diferentes tipos de sons que se facían antigamente,...

Como remate, despois da rolda de preguntas David interpretou a canción dos piratas do Caribe con acompañamento electrónico.

Pasámolo xenial . Grazas David por esta visita tan musical.

Cumpleanos feliz

2011-11-06T05:19:00.000-08:00

Neste mes de outubro que deixamos atrás, o Día Internacional das Bibliotecas Escolares, o noso Dino estivo de aniversario. Cumpriu 10 anos.

Fixémoslle unha festa de medo, coincidindo co Samaín.

Entre todos adormamos a biblioteca. Debuxamos cabazas, bruxas, vampiros, momias, pantasmas,...

Agasallámoslle compartindo con el :

Unha hora de ler de medo.

Contando contos de medo para medianos e pequenos.

Vendo "Corre, corre, cabaciña ",...

E, como vedes, Dino sorprendeunos a todos disfrazándose así de resultón,para recibir a todos os seus convidados.

2011-10-26T13:35:00.001-07:00

Dende o bibliocastelo do colexio da Pedra de Bueu cheganos estes recursos para disfrutar dun Samaín de conxuros e bruxas.

A nosa biblioteca ponse en marcha

2011-10-26T03:56:00.000-07:00

En outubro:
Comezan os préstamos. Dende o primeiro día o equipo de colaboradoras da biblio realiza esta función con entusiasmo e decicación.
Chegan as novidades.
Os máis novos teñen preparados os seus marcaespazos para ler os primeiros libros deste curso no seu espazo.
Recordamos as normas xogando ao semáforo.

As mochilas viaxeiras saen cargadas de ilusións e bos libros.
Na súa hora da biblioteca, todos os nenos e nenas ,acompañados dos seus titores, realizan as actividades previstas: os contacontos, as composicións para compartir, as pequenas investigacións...

E para celebrar o Samaín, na biblioteca agárdannos contos de vampiros, monstros, bruxas, pantasmas, pesadelos,....nun ambiente moi especial.

Benvida ao cole, un ano máis!

2011-10-02T10:39:00.000-07:00

Para darvos a benvida ao cole, no comezo do novo curso, as vosas profes andiveron moi atarefadas ordeando e pintando as aulas.
A biblioteca tamén necesitou unha posta a punto xa que no verán cambiaron os falsos teitos e, cando chegamos, estaba patas arriba. Xa está preparada para a vosa chegada!
Teño moitas ganas de vervos por aquí, escollendo os libros que levaredes para ler nas vosas casas e nas vosas aulas. Ler é toda unha aventura que nos permitirá aprener e disfrutar moito xuntos.
Como sei que debecedes por investigar, este ano invítovos a descubrir "A Terra, un planeta de auga".
Gustaríame recordarlle aos nenos e nenas do 2º e 3º ciclo que o luns, día 3 de outubro,comezan os préstamos no recreo.
Os equipos de axudantes da biblioteca xa están preparados. As nenas de4º,5ºe 6º encárganse e de levar á aula os libros que vós ,antes do recreo ,escolledes e colocan na estantería os que, despois de ler, devolvedes. Estes préstamos quedan rexistrados no Meiga.
Esquecía decirvos que:
-As mochilas Viaxeiras pronto estarán en marcha!
Ata vernos!
DINO

Creando lazos

2011-05-05T13:59:00.000-07:00

Escollemos este mes de abril para iniciar esta actividade que chamamos apadriñamento lector, pola relación que teñen estas datas coa lectura,coma unha homenaxe aos libros.Creando lazos dende o afecto e o gusto pola lectura nun espazo diferente á aula.

Día Internacional do libro

2011-04-26T22:56:00.000-07:00

Para recordar que o día 23 de abril celebramos o Día do Libro gustaríanos compartir con vós, as reflexións de Victor Freixanes ó abeiro desta data.

Foron escritas na súa columna da Voz ,"Vento nas velas".

O seu título é Memoria dos libros.

Contacontos fabulosos

2011-04-18T10:10:00.000-07:00

2011-04-06T04:53:00.000-07:00

Os nenos e nenas do IES "A Paralaia" estarán con nós, o venres , 8 de abril, para celebrar, contando contos, o Día do Libro Infantil e Xuvenil

Agardámolos impacientes

Nós, fomos á tele

2011-04-01T23:10:00.000-07:00

A finais de xaneiro a profe Montse díxonos que íamos participar nun concurso de V televisión, chamado Xiz.

Uns días despois, xuntámonos 5º e 6º para falar sobre o concurso. Xesús e máis eu íamos de titulares e Lucía e Marco de suplentes.Despois vimos todas as probas e os puntos destas, mentras a profe Elisa poñía exemplos no encerado.

Por fin chegou o día. Fomos nun autobús ao plató que estaba nas aforas de Vigo.De camiño recollimos ao colexio de Mosteiro, a noso cole rival. Acompañáronnos os pais dos titulares e dos suplentes.

Xiz

Gustoume moito a experiencia de ir gravar xiz e ver como é a tele por dentro.

Cando chegamos, leváronnos ( aos concursantes) á perruquería. Mentras Marta e máis eu nos peiteabamos, Xesús e mais Guebre vían os Simpsons pola tele. Xa peiteados e listos nos puxeron os micrófonos. Eu creo que Xesús estaba super contento, pois non paraba de facer bromas cos micros.

Máis tarde, na sala de espera, Antón explicounos un pouco como ía ser e nos recomendaba que estivéramos soltos. Pero, mais solto que Xesús non se podía estar!

Cando xa sabiamos un pouco como ía ser todo, fomos ó plató.Era moi bonito; os pulsadores eran borradores e poñía Xiz onde nós estabamos. Alí nos dixeron como había que saír e todo o referente ás posicións.

Comenzamos a gravar.

Para min, o máis difícil foron os dominós. Tiñamos que poñer fichas de dominó, en 60 segundos, de pé enriba dunha mesa, e logo derribalas.Foi moi divertido.

Ao final, gañamos 280 puntos a 195 puntos. Celia

Os contadores de historias

2011-03-28T11:36:00.000-07:00

Compartindo cos nenos e nenas de Educación Infantil os contos que preparamos este trimestre con Charo Pita , rematan as sesións deste obradoiro que nos tivo tan entusiasmados e no que, ademáis de vivenciar a diferencia entre ler e contar:

Escoitamos contos como "A mazaroca de millo" e "O vendedor de gorras".

Pronunciamos, divertidísimos, os tiralinguas tan orixinais cos que Charo nos sorprendía.

Aprendimos a saborear as palabras, a enchelas co seu significado, a encollelas, a estiralas...

Imitamos a Demóstenes, lendo cun lápiz entre os dentes, a falta de pedras.

Coñecimos o valor dos obxectos, a importancia dos xestos, das voces nos contos.

Animámonos a invitar aos que nos escoitan a participar con nós dos contos que contamos.

Escoitamos o silencio, sorrimos, miramos e comenzamos: Érase unha vez...

E, como non, disfrutamos moito dos xogos de expresión corporal, dos exercicios de respiración, do quencemento tan completo que faciamos ao comenzo de cada sesión.

Comenza o Entroido

2011-02-28T10:24:00.001-08:00

O entroido en Abelendo comenza coas Ordes de Dino.

Cada día desta semana imos a empezar a disfrazarnos según el nos diga.

Hoxe tivemos que traer unha perruca.

Maña viremos en pixama pero sen esquecerse da perruca.

Que se lle ocurrirá a Dino para o mércores?

Charo Pita en Abelendo

2011-02-16T03:56:00.000-08:00

Este ano, dentro das actividades que organiza a biblioteca, temos a sorte de contar co presenza de Charo Pita, escritora, atriz, cantante... en definitiva unha grande artista.

Ela será a condutora dun obradoiro de narración oral no que aprenderemos a diferenza entre ler e contar; faremos xogos de desinhibición, practicaremos a lectura en voz alta ...

Estamos moi contentos de poder contar cunha artista tan polifacética, e con seguridade, a súa visita ao noso cole deixará unha pegada moi fonda e difícil de esquecer.

MOCHILAS VIAXEIRAS

2011-02-09T04:00:00.000-08:00

Dende aquí queremos felicitar a todas as familias que nos agasallan coas súas experiencias cada semana. Compartimos con vós algunhas das súas aportacións.

Isto é un resumo do que lle pareceu aos meus familiares:

Silvia. Unha interesante, divertida e amena novela policiaca que transcorre nos arredores da cidade de Vigo. Mostra o xeito de vivir das súas xentes e os seus costumes.

O seu protagonista é un inspector de policía local que trata de solucionar o enigma dun mariñeiro que aparece morto na praia.

Ana. A revista que me tocou gustoume moito xa que os cans son os meus animais preferidos.

Pura . As prantas aromáticas chegaron a España dende América.

Mari. Os contos do mundo foi moi doado de ler.Claudia.(4º curso).

Preguntando sobre Arte

2011-01-28T10:10:00.000-08:00

Ás nosas familias a palabra Arte lle suxire...

Arte é sentimento.

Arte é expresión.

Arte é creación.

Arte é ler un libro

e crer que ti es Peter Pan.

Arte é erguerse sobre as puntas

dos pés e bailar case voando.

Arte é pintar nunha folla

un sol de cor negra porque un se sinte triste.

Arte é conseguir combinar as notas dun piano

e crear unha fermosa melodía.

Arte é unha forma de soñar.

Es algo que nosotros admiramos y que tiene un valor especial.

A arte é unha forma de expresar beleza e harmonía.

É a expresión dos sentimentos humanos e pode ter moitas formas.

Familias do 1º ciclo

Arte é unha forma de soñar.

Os ecosistemas

2011-01-17T11:21:00.000-08:00

Pon a proba os teus coñecementos sobre os ecosistemas con esta actividade Lim que nos chega dende o Ceip Frian- Teis.

Carta de Dino

2011-01-01T07:22:00.000-08:00

Unha mensaxe para degustar e saborear en familia.
Unha mensaxe para este Nadal: "Ler é xenial".

Educación Infantil

Primeiro Ciclo

Segundo Ciclo

Terceiro Ciclo

Un mundo de oportunidades

2010-12-08T12:22:00.001-08:00

Tardas en durmir?

2010-12-08T07:21:00.000-08:00

Postais en familia

2010-11-27T23:37:00.000-08:00

Como cada ano por estas datas poñemos en marcha a 5ª edición do concurso "POSTAIS EN FAMILIA".

Contamos coa vosa colaboración e entusiasmo, como en anos anteriores, para preparar no colexio unha exposición na que os traballos luzan por si mesmos.

Gustaríanos que toda a familia participara na súa elaboración; inventando o debuxo, pensando no lema, decorando a postal...

Podedes empregar calquera material, calquera técnica ...O importante é que disfrutedes da actividade.

Entregaranse 5 premios. Un premio por ciclo para a mellor calidade artística e un único premio para o mellor lema.

A DATA LÍMITE PARA ENTREGAR AS POSTAIS É O XOVES, DÍA 9 DE DECEMBRO

Outubro: Mes das bibliotecas escolares

2010-11-07T01:52:00.000-07:00

Queremos contarvos como estamos a celebrar na biblioteca este mes que, en Abelendo está sendo máis longo, porque andivemos en obras.
-Na primeira visita á biblioteca os nenos e nenas de 3 anos coñecimos a Dino e gozamos coa sorpresa que nos tiña preparada: o vídeo de "Corre corre cabaciña".

-Recordamos, xogando ao semáforo, o que si,se pode facer na biblioteca.

-Usamos os marcaespazos.

-Compartimos contos, poesías ...

-Celebramos o Samaín, contando contos de medo.

-Investigamos sobre os animais... e agardamos impacientes a exposición sobre a arte que pronto se inaugurará.

Os nosos contos favoritos

2010-10-24T05:09:00.000-07:00

Os nenos e nenas do 1ºCiclo comenzamos neste mes de outubro, na nosa biblioteca, a actividade "Os nosos contos favoritos".

Preparamos durante a semana un conto que nos gustase moito para compartilo cos nosos compañeiros e coas nosas profes.

O primerio conto titulábase "Casi" e trataba dun neno, Ramón, que lle gustaba moito debuxar, pero os seus debuxos non lle saían perfectos e esto disgustáballe moito. Ao final converteuse en "casi "un artista.

Estamos desexando que chegue o próximo xoves para que Yaiza nos conte "Os tres porquiños".

Cantamos?

2010-10-17T02:46:00.000-07:00

Galicia confidencial (27/09/2010)

BENVIDA AO COLE

2010-10-03T06:23:00.000-07:00

Comenza un novo curso e na bilioteca, todo está preparado para recibirvos.

.Catalogamos os novos libros que xa están colocados no espazo de novidades.

.Pintamos coa axuda duns formidables pintores o espazo de consulta.

.Dino, na súa carta de benvida que xa tedes todos e todas nas aulas, invitounos a sentir a arte en todas as súas manifestacións.

.As nenas de sexto curso teñen organizados os grupos de axudantes da biblioteca que se encargan dos préstamos nos recreos.

.As Mochilas Viaxeiras están preparadas para saír.

Ler é unha aventura que nos permitirá aprender e gozar moito xuntos.

LETRAS GALEGAS 2010

2010-05-26T07:18:00.000-07:00

O pasado trece de maio visitounos Iván Costa Blanco, profesor de música, recoñecido gaiteiro en toda Galicia.

Como sabedes, dende Normalización Lingüística sempre se organiza un encontro coa música tradicional, chegando maio.
O ano pasado, acompañounos Xosé Manuel Budiño. Este ano, xa que estamos investigando sobre a Idade Media no noso proxecto da biblioteca, que mellor que Iván Costa para mostrarnos un instrumento medieval que chegou a Galicia polo Camiño de Santiago chamado zanfona.

Trátase dun instrumento de corda pero tamén mecánico: ten un teclado. A forma de facelo sonar e dándolle a unha manivela.

Vímolo por dentro. Coñecimos as súas partes. Lembrádelas?
Aprendimos que os sons de acompañamento; fanse cos bordons. A melodía tócase co teclado.
Escoitamos: unha canción medieval, a muiñeira de Ponte Sampaio. Cantamos unha canción da que agora non me lembro. E vós? Tiña que ver cunha saia.
Sabemos, tamén, que foi utilizada por músicos cegos para recitar e cantar .
Houbo un tempo no que deixouse de tocar ata que músicos que interpretan música tradicional a recuperaron para os seus concertos.
E ata descubrimos o segredo que garda na súa caixa.

Aproveitamos a presenza de Iván Costa ese día na biblioteca para pedirlle que fixera entrega, aos gañadores, dos premios do cartaz da XVII edición do Cross das Letras Galegas.

XOGANDO

2010-05-07T10:11:00.000-07:00

Letras galegas 2010

2010-04-21T10:44:00.001-07:00

Dende o colexio de Frian-Teis nos chegou este conto de Uxío Novoneyra. Preme na imaxe.

2010-04-21T10:29:00.000-07:00

Para que les?

Traballo colaborativo das bibliotecas escolares de Galicia, segundo idea e organización da biblioteca escolar do CEIP Milladoiro de Malpica

OBRADOIRO DE TEATRO

2010-04-21T08:51:00.000-07:00

Dende fai unhas semanas os nenos de 5º do CEIP Abelendo podemos disfrutar do teatro nun obradoiro con Antón Lamapereira. A verdade é que estamos aprendendo moitas cousas coa intención de levalas á práctica nunha pequena representación dun conto que fixeramos o ano pasado coa profe Xulia, a partires do libro "La selva de los números" de Ricardo Gómez.
Comezamos cada sesión con exercicios de relaxación, para tomar conciencia do noso corpo, de cada músculo, de como entra o aire, como respiramos e como se producen os diferentes sons segundo a articulación que poñamos en funcionamento co noso aparello fonatorio.
Tamén estamos aprendendo as moitas posibilidades que ten o noso corpo e a cara para facer máscaras e adoitar posturas que nos transforman en animais, árbores, vento….. é algo máxico.
Logo practicamos os textos e a dicción, no que máis insiste Antón
é na vocalización, para ser quen de transmitir o que queremos e lanzar a voz para que atravese a parede se fai falla.
Está resultando moi divertido aínda que as veces nos cansamos un pouco nos ensaios , pero ao final liberamos tensións con xogos coma o nudo ou a ameba e xa estamos dispostos outra vez, porque como dí Antón un actor ten que ensaiar moitísimo para facerse co papel. Dende aquí dámoslle as grazas por todo o tempo que nos está dedicando.
Galería de imaxes

CONTACONTOS "A PARALAIA"

2010-04-19T03:43:00.000-07:00

Dende aquí queremos felicitarvos e animarvos a seguir con esta actividade, coa que cada abril, subides dende o instituto para celebrar con nós o Día do Libro Infantil e Xuvenil.
É unha actividade da que non queremos prescindir.

Gústanos que veñades ao noso cole, porque:

Encántanos escoitar contos; todo tipo de contos. Contos como os que este ano nos trouxéchedes: A cebra Camila, O galo Quirico, Que risa de rata! Cocorico!
Sodes modelos a imitar, que nos motivan e animan na nosa tarefa. Nós, tamén estamos aprendendo; contamos contos aos nosos compañeiros e compañeiras e nos gustaría chegar a facelo coma vós.
A vosa actividade fainos valorar os contos clásicos; como "A ratiña presumida" que non nos cansamos de escoitar." A verdadeira historia de Caperuchiña"que nos sorprendeu gratamente.

e ademais, esta é unha ocasión para reencontrarnos con antigos alumnos e alumnas do cole.
Neste enlace están todas as fotos.

CHEGANDO ABRIL

2010-04-05T01:45:00.000-07:00

Como todos os anos , estamos agardando, impacientes, aos rapaces e rapazas do ” IES A Paralaia” que no mes de abril nos visitan para agasallarnos cos contos que nos preparan dende a clase de lingua .
Son ex_alumnos e alumnas do noso cole, do cole de Quintela,de Tirán.
Dende aquí agradecemos o seu entusiasmo e lles damos a benvida a Abelendo, un ano máis.
É a súa, unha visita moi esperada ,coa que iniciamos no cole ás actividades do Día do libro.

PON A PROBA OS TEUS COÑECEMENTOS!

2010-03-24T10:59:00.000-07:00

CONTOS PARA OLI

2010-03-21T04:20:00.001-07:00

Os nenos e nenas do 1º e 2º ciclo puxéronse á tarefa en resposta á proposta que lles fixo o autor de Leocadio,o león, na súa visita á nosa biblioteca o pasado dezaseis de marzo.
Están escribindo moitos contos que lle farán chegar axiña.
Tamén os nenos e nenas de E.Infantil, entusiasmados cos contos de Oli, andan cun teléfono móbil chamando ás Once Damas Atrevidas; ata conseguiron falar coa dama que se foi para Bueu e nunca máis volveu.
Grazas Oli polo agasallo dos teus contos e por vir compartir con nós a maxia da nosa biblioteca.

INVESTIGANDO SOBRE CASTELOS

2010-02-20T11:07:00.000-08:00

Os nenos e nenas de E. Infantil estamos a estudar o proxecto "Castelos, principes e princesas". Para saber que queriamos aprender primeiro tiñamos que expresar o que sabiamos do tema.

Algunhas destas expresións foron:
Os castelos son moi altos, grandes, poden ser marróns, se se fan moi altos poden caer, teñen unha porta moi grande que pode abrirse ou pecharse, teñen moitísimas ventanas, teñen bandeiras e teñen soldados fóra.
Algúns están encantados, os castelos feos teñen fantasmas, nalgúns hai dragóns, están feitos de pedra, de ouro e prata, neles hai tesouros e nalgúns pode haber bruxas, ogros, vampiros e reis malos.
Teñen unha princesa e un rei na porta, nalgúns castelos hai princesas guapas, o rei sempre está dentro, a princesa está no alto da torre, hai xoias de princesas, vestidos, ouro e zapatos.
Nos castelos fanse banquetes, festas e reunións.

Despois as mestras pedíronos que dixeramos o que queriamos aprender:
Por que e como se construíron?
Que comian e vestían?
De que material eran os chans?
Como eran as festas?
Que facían?
Quen vive no castelo?
Como fan maxia as bruxas?....

Por último decidimos buscar información:
Visitando un castelo
Preguntándolle á profe Carolina (foi a primeira en empezar o proxecto)
Nos ordenadores
Nunha tenda sobre castelos
Preguntándolle a papá ,mamá, ós veciños
Vendo películas e documentais
Nos libros (curiosamente foi a última proposta)

Ata agora os nenos e nenas de E.Infantil aprendimos sobre castelos:
Onde se construían, de que materiais,

as partes dun castelo,que artesáns traballaban para o castelo,

quen vivía nos castelos, como se chegaba a ser cabaleiro, partes da armadura...

Finalmente quedamos de aprender:
sobre os escudos, as bandeiras,

os asaltos aos castelos;armas, os torneos,

xogos de época, medios de transporte:o cabalo,

.... e todo aquelo que esperte o noso interese.

Xogando con Dino

2009-12-16T09:28:00.000-08:00

Anímate a xogar con Dino e os seus amigos.
Se fas todos os xogos descubrirás aos protagonistas dalgúns contos clásicos.

Fai clic na imaxe de Dino para comezar.

A maxia da nosa biblioteca

2009-12-14T11:21:00.000-08:00

Fermosa lección

2009-11-30T10:47:00.000-08:00

A ORIXE DA FREGRESÍA DE MOAÑA

2009-11-19T12:29:00.000-08:00

Neste mes de novembro, os nenos e nenas de E. Primaria fomos visitar unha exposición sobre a orixe da fregresía de Moaña, situada na reitoral de San Martiño, que foi elaborada co material recopilado por un veciño da zona, Manuel Uxío.

A visita resultou moi interesante e todos e todas aprendemos moito,como.....

"Os nosos ancentros vivían en castros e coa chegada dos romanos baixaron aos vales como o Val do Mar e o Val da Ameixoada"

"Os monxes tiñan moitas terras, e o que hoxe é Moaña dependía do mosteiro de Érmelo".

"Hoxe en día conservanse restos dos camiños que antes usaban para comunicar Hermelo con Moaña"

"A igrexa de San Martiño construiuse para unificar as aldeas que cada vez ían medrando máis, Val do mar, Val da Ameixoada, Cruceiro, Abelendo e Casal"

"Chamouse Moaña porque se construiu nunha zona de moitas moas"

"O primeiro documento no que aparece o nome de Moania data do século XIII."

"As inscripcións nas pedras axudan a investigar o noso pasado"

"As inscripcións no tímpano da igrexa de S.Martiño nos dí quen a construiu ARIAS FECI, un señor da familia dos Arias que tiña moitos cartos"

"Na reitoral hai unha cara talada en pedra e tamén un sartego"

"O abade, que vivía na reitoral era a persoa máis importante da zona"

"Na igrexa podemos ver unha pedra cunha inscrición dunha tumba medieval"

2009-11-16T10:52:00.001-08:00

"CHEGARON A MOAÑA AS LECTURAS DE IDA E VOLTA"

2009-11-16T08:19:00.000-08:00

Este curso imos participar no programa "Lecturas de ida y vuelta", organizado pola fundación Sánchez Ruiperez, en cordinación cos colexios de Reibón e de Quintela.

Xa está en Quintela a colección "¿Qué te cuentas?

En Reibón xa disfrutan da colección "De aquí y de allí"

En Abelendo contamos coa colección "Para saber más y más"; unha selección de libros de coñecementos de gran variedade temática, dirixida ao 2º Ciclo que estará con nós ata o 18 de xaneiro que viaxará a Reibón. Son:

Obras de consulta que nos permitirán adquirir un coñecemento básico sobre calquera tema.
Títulos que nos propoñen a realización de actividades atractivas e creativas como medio para acceder ao coñecemento.
Libros que nos facilitarán información completa sobre temas acordes cos intereses propios destas idades.
Libros que plantean a consulta informativa como un xogo e incitan á participación activa dos lectores.

ÉRASE UNHA VEZ

2009-11-01T01:30:00.000-07:00

O pasado venres, os nenos e nenas do 3ºCiclo e dous atrevidos contacontos, abriron as portas do castelo para agasallarnos coas súas dotes artísticas.
Tivéronnos a todos, dende o máis grande ao máis pequeno, pendentes de cada un dos seus movementos.
Noraboa!
Esperamos que esto non quede aquí e poidamos seguir disfrutando destes momentos que fan da biblioteca un espazo vivo para compartir.
Entra na biblioteca para ver as fotos.

XOGO DE CASTELOS

2009-08-13T09:13:00.000-07:00

castelos

LETRAS GALEGAS 2009

2009-05-29T12:54:00.000-07:00

Os gañadores e gañadoras do concurso de debuxo para a elaboración do cartaz, anunciador do XVICross das Letras Galegas, recibiron de mans de Xosé Manuel Budiño un merecido agasallo.
Dende aquí queremos darlle as grazas ao autor de "Paralaia" por compartir con nós a súa música e respostar pacientemente a vinte nove xornalistas cheos de curiosidade e profesionalidade.

LIBROS AO PATIO

2009-04-24T13:30:00.000-07:00

E O Día do Libro na hora de ler:
¡Libros ao patio!!!.

DEBUXANDO MONSTROS CON ANXO FARIÑA

2009-04-24T13:00:00.000-07:00

O pasado dia 21 de abril ,dentro das actividades organizadas dende a biblioteca para celebrar o Día Internacional do Libro, visitounos Anxo Fariña.

Estivemos superatentos a todo o que nos contou e seguimos ,sen pestanexar,os seus trazos no papel.

Falounos dos seus libros.

-Debuxounos a súa imaxinación

-Xuntos inventamos a historia do lápiz que se levaba fatal coa goma e co afila regular porque

ás veces lle daba punta para poder seguir escribindo e outras o facía máis pequeno.

-Vímolo transformar a Yoel e a Angela nuns monstros moi peculiares.

-Contestou todas as preguntas que lle fixemos.

-Recibiu o agasallo que os nenos e nenas de 4º lle tiñan preparado.

CONTACONTOS IES "A PARALAIA"

2009-04-07T01:45:00.000-07:00

MEDRANDO COS CONTOS DO IES "A PARALAIA"

2009-04-01T13:04:00.000-07:00

Nesta semana na que se celebra o Día do Libro Infantil e Xuvenil trinta e oito nenos e nenas de 2º de ESO de IES "A Paralaia" enchéronnos a biblioteca de contos.

Disfrutamos todos e todas dunha mañá moi especial na que estivemos enfrente de verdadeiros profesionais que deron todo para facernos pasar uns momentos cheos de maxia.

Esta experiencia que se está convertindo en todo un clásico, esperámola con impaciencia cada ano.

Grazas polo voso entusiasmo, rapaces e rapazas e .... ata o ano que vén!

CONTAMOS CONTOS CLÁSICOS

2009-03-18T09:55:00.000-07:00

VIAXE POLOS INVENTOS

2009-03-11T12:14:00.000-07:00

O noso tren dos inventos xa está en marcha.
Será unha viaxe polo tempo na que coñeceremos aqueles inventos que supuxeron un avance fundamental para a humanidade.
Achegarémonos a diferentes aspectos da vida e da obra de inventores como Alfred Nobel, Juan de la Cierva, Marconi....
Consultamos xa moitos libros da nosa biblioteca, entramos en internet...Temos moita información para compartir cos nosos compañeiros e compañeiras o resultado do noso traballo.

VIAXEIROS AO TREN!

2009-03-04T08:04:00.000-08:00

Dende aquí viaxamos polos contos do mundo.

A volta ao mundo en 80 contos acompáñanos no percorrido.

A través dos contos tradicionais abrensenos as portas para coñecer moitos países.

A súa xeografía. A súa cultura. A súa gastronomía.

As súas paisaxes. Os seus animais. Os seus costumes. Os seus habitantes.

E ademais ....

Percorrendo todo o mundo animámonos a contar e compartir calquera tipo de contos.

VIAXEIROS AO TREN!

2009-02-18T07:49:00.000-08:00

O Tren das Viaxes está en marcha.
Dende aquí saíremos para viaxar polo mar.
Nadarín, O Mar na cociña, El pez Arcoiris farán máis doado o percorrido.
Coñeceremos moitos peixes.
Aprenderemos algunhas profesións.
Investigaremos sobre os barcos.
Exploraremos as profundidades mariñas.
Disfrutaremos de moitos contos.

BIBLIOTECA VIVA

2009-02-05T09:53:00.000-08:00

Dino ten unha sorpresiña para vós:

Guía de Nadal 2008

2008-12-20T08:00:00.000-08:00

Nesto tempo de Nadal, época chea de ilusións para todos e todas, paga a pena aproveitar a ocasión para incluir un libro, entre os agasallos que todos e todas esperamos recibir.

Guía de Nadal 2008

Xogando e aprendendo

2008-12-15T03:22:00.000-08:00

Os nenos e nenas de E.Infantil e 1º Ciclo de E.Primaria asistiron neste mes de decembro a unha sesión de Formación de Usuarios na biblioteca. Xogaron con Dino e cos seus amigos, que son as mascotas de bibliotecas amigas de Cangas e Moaña.
Estas son as fotos.

Contacontos en Abelendo

2008-12-11T10:49:00.000-08:00

Bos días a todos e a todas foi o saúdo de Diego,un alumno de tres anos cando entraba á biblioteca acompañado de todos os nenos e nenas de E.Infantil para escoitar os contos que alumnos e alumnas de 1º de ESO do IES "A Paralaia" viñeron contarnos.

Foron dúas sesións ;unha para 1ºCiclo e outra para E.Infantil .

Todos estivemos moi atentos e entusiasmados coa visita que esperamos que se repita pronto.

Queredes ver as fotos?

CONTOS CONTOS CONTOS

2008-12-11T10:37:00.000-08:00

Patín, Patín...

Chibos e Chibóns foi o conto elixido por MIGUEL para contarlle aos seus compañeiros e compañeiras o outro día na biblioteca.

Patán, Patán...

Os nenos de 3, 4 e 5 anos escoitaron moi atentos o conto elixido por MIGUEL.

Patón, Patón...

Dino tamén o escoitou entusiasmado e espera impaciente que os nenos e nenas volvan contar outro conto.

A viaxe das palabras

2008-10-29T10:16:00.000-07:00

Para celebrar o Mes das Bibliotecas Escolares os nenos e nenas do 2º e 3º Ciclo participaron nesta última semana de outubro,nun taller de contos conducido por " A Tropa de Trapo ", en sesións de hora e media,organizado conxuntamente pola Biblioteca e o Departamento de Normalización e Dinamización Lingüistica do centro.
Trátase de achegar a narración oral ao alumnado potenciando a imaxinación e traballando as habiblidades narrativas e escénicas.E deste xeito que os rapaces e rapazas disfruten escoitando, inventando ou "botando" un conto.

Todo empezou cando chegaron o noso cole dous magos dos contos:Brais e Marta.

O novelo de lá axúdanos a construir un conto entre todos.

Ese día todos fomos actores e espectadores.

Brais revelando os seus segredos.

E.Infantil

2007-12-17T10:12:00.000-08:00

1ºCiclo E. Primaria

2007-12-17T10:07:00.000-08:00

2º Ciclo de E. Primaria

2007-12-17T10:03:00.000-08:00

3º Ciclo de E. Primaria

2007-12-17T09:55:00.000-08:00

Dinosaúdo

2007-12-17T09:44:00.000-08:00

Querid@s Blogonautas:

O meu nome é Dino. Vivo na biblioteca do CEIP de Abelendo, en Moaña. Teño entendido que surcan esta ruta unha manchea de ávid@s lectores. Permitídeme que vos fale dos meus amig@s.Con eles navego polos mares do saber, vivo aventuras, descubro misterios e aprendo xogando.Sería estupendo compartir con vós esta nova singladura nos mares dixitais.Que os ventos vos sexan favorables!